Arkanzaslik qizning notiqlik mahorati fani bo‘yicha onlayn mashg‘ulot davomidagi chiqishi paytida boshqa o‘quvchilar ko‘zini ekrandan uza olmay qoldi. Bunga qizning orqa tarafida haqiqiy kurash yuzaga kelgani sabab bo‘lgan — uning mushugi tirnoqlari ilinib qolgan parda bilan “jangga kirishgan”, deb yozadi Meduza.
Mushuk har qancha harakat qilmasin, ilinib qolgan tirnog‘ini chiqarib olishning imkonini topmagan. Uning egasi o‘z chiqishiga shu qadar berilib ketganidan ortida nima sodir bo‘layotganiga e’tibor ham qaratmagan.
Oxir-oqibat uning qo‘shnisi yordamga kelgan: u kadrga tushmaslikka harakat qilgan holda egilib (ammo bu foyda bermagan) divan ortiga o‘tgan va panjasi ilinib qolgan hayvonga yordam berishga uringan.
“Barchasi yaxshi tugadi: mushuk ozod qilingan, qiz esa o‘z chiqishini bemalol yakunlagan, keyinroq esa ortida nimalar sodir bo‘lganidan xabar topgan. O‘z chiqishi uchun qanday baho olgani esa noma’lum”, — deyiladi xabarda.
Avvalroq Rossiyada qop ichidan qutqarib olingan mushuk “vazir o‘rinbosari”ga aylangani to‘g‘risida xabar berilgandi.
Izoh (0)