Toshkent hayvonot bog‘ining yangi a’zosiga ijtimoiy tarmoq foydalanuvchilari tomonidan nom berildi. Bu haqda hayvonot bog‘ining Instagram sahifasida ma’lum qilingan.
Hayvonot bog‘ining ijtimoiy tarmoqdagi sahifasida foydalanuvchilardan yangi tug‘ilgan ponini atash uchun variantlar yozib qoldirish so‘ralgan. Takliflar orasidan Businka, qisqa qilib aytganda Busya nomi tanlab olingan. Mazkur variant bir necha marta turli obunachilar tomonidan bildirilgan va Businka deb atashni taklif sifatida yozib qoldirgan ilk ishtirokchi g‘olib deb topilgan.
https://www.instagram.com/p/CK3CutLpLPD/
G‘olibga o‘zi va yana uch kishi bilan hayvonot bog‘iga bepul kirish, maymun Lyusya bilan suratga tushish, shuningdek, begemot Avral tishlarini yuvishini tomosha qilish imkoniyati berilgan.
Mavzuga doir:
Izoh (0)