Madridning “Real” klubi hujumkor yarim himoyachisi Eden Azar yana jarohat oldi. Bu haqida “qirollik klubi” matbuot xizmati xabar berdi.
Belgiyalik futbolchining chap oyoq son mushaklari jarohatlanganligi aytilmoqda. AS xabariga ko‘ra Azarning tiklanishi uchun 3-4 hafta ketishi mumkin. Marca nashri esa bu muddatni biroz uzoqroq — 4-6 hafta deb hisoblamoqda.
Shu tariqa Edenning Yevropa Chempionlar Ligasi 1/8 finali doirasida “Atalanta”ga qarshi bahsdagi (24-yanvar) so‘roq ostida qolmoqda. Shuningdek, Azar La Liga doirasida 7-mart kuni bo‘ladigan Madrid derbisi — “Atletiko”ga qarshi bahsda ham maydonga tushmasligi mumkin.
Eden Azar 2020/21-yilgi mavsum La Liga doirasida 8 ta o‘yin o‘tkazib, 2 ta gol urdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)