Мадриднинг «Реал» клуби ҳужумкор ярим ҳимоячиси Эден Азар яна жароҳат олди. Бу ҳақида «қироллик клуби» матбуот хизмати хабар берди.
Бельгиялик футболчининг чап оёқ сон мушаклари жароҳатланганлиги айтилмоқда. АS хабарига кўра Азарнинг тикланиши учун 3-4 ҳафта кетиши мумкин. Marca нашри эса бу муддатни бироз узоқроқ — 4-6 ҳафта деб ҳисобламоқда.
Шу тариқа Эденнинг Европа Чемпионлар Лигаси 1/8 финали доирасида «Аталанта»га қарши баҳсдаги (24 январь) сўроқ остида қолмоқда. Шунингдек, Азар Ла Лига доирасида 7 март куни бўладиган Мадрид дербиси — «Атлетико»га қарши баҳсда ҳам майдонга тушмаслиги мумкин.
Эден Азар 2020/21 йилги мавсум Ла Лига доирасида 8 та ўйин ўтказиб, 2 та гол урди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)