Futbol bo‘yicha Italiya Kubogining yarim final ilk uchrashuvi doirasida “Inter” 2-fevral, seshanba kuni “Yuventus”ni qabul qildi.
Uchrashuvning 9-daqiqasidayoq Lautaro Martines milanliklarni oldinga olib chiqdi. 26-daqiqada Krishtianu Ronaldu muvozanatni tikladi. 35-daqiqada portugaliyalik futbolchi dublini nishonlagan holda turinliklarning ikkinchi golini urdi.
Qolgan vaqtda hisob o‘zgarmadi va Andrea Pirlo shogirdlari dastlabki o‘yinda g‘alaba qozondi.
Ushbu jamoalar o‘rtasidagi ikkinchi o‘yin 9-fevral kuni bo‘lib o‘tadi.
Italiya Kubogi
Yarim final, ilk o‘yin
2-fevral, seshanba
“Inter” — “Yuventus” 1:2
Gollar: 1:0 – 9 Martines, 1:1 – 26, penalti Ronaldu, 1:2 – 35 Ronaldu.“Inter”: Handanovich, Darmian, de Vrey, Shkrinyar, Yang (Perishich, 66), Vidal (Eriksen, 73), Barella, Sanches, Brozovich (Sensi, 85), Bastoni (Pinamonti, 85), Martines.
“Yuventus”: Buffon, Demiral, de Ligt, Aleks Sandro, Kuadrado, Makkenni (Kyellini, 90), Rabyo, Kulusevski (Kyeza, 90), Bentankur (Artur, 76), Bernardeski (Danilo, 69), Ronaldu (Morata, 77).
Ogohlantirishlar: Demiral (14), Yang (25), Aleks Sandro (32), Vidal (38), Ronaldu (45), de Ligt (47), Artur (86), Sanches (90), Morata (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)