O‘ta intizomli it ovqatini bexosdan to‘kib yubordi va uni yig‘ishtirib olishga qaror qildi (video)

Eddi laqabli itning o‘zini tutishi aks etgan video ijtimoiy tarmoq foydalanuvchilarini lol qoldirdi. Bu haqda The Dodo xabar beradi.

It va uning egasi Teylor tunash uchun mehmonxonada qolgan bo‘lgan. Qiz sovib qolmasligi uchun ovqat solingan idish ustiga sochiq yopib qo‘ygan. Tushlik qilishga qaror qilgan it sochiqni olaman deb bexosdan idishni ag‘darib yuborgan.

Eddi polga to‘kilgan ovqatni yeyish o‘rniga sochiq yordamida tartibga keltirmoqchi bo‘lgan. Uddasidan chiqa olmagach esa to‘kilgan ovqat ustini sochiq bilan yopib qo‘ygan. Egasi Teylorning aytishicha, Eddi hamisha o‘zini yaxshi tutishi bilan boshqalardan ajralib turgan. Doim egasining gapiga kiradigan itga narsalarni g‘ajish va tishlash begona, deyiladi xabarda.