Apple Watch “aqlli” soati pulsning tez ekani sabab 4 oy davomida rossiyalik Aleksandra Rumyansevaga mashg‘ulot rejimini yoqish kerakligini eslatib turgan.
29 yashar qizning yuragi bilan bog‘liq muammolar bundan ikki yil avval boshlangan. Kardiologga murojaat qilgan qizga qovurg‘alar o‘rtasidagi nervlarning yallig‘lanishi tashxisi qo‘yilgan. Shifokor Aleksandraga massaj olishi va stressdan uzoq bo‘lishi kerakligini ta’kidlagan. Qiz 2020-yilning kuz faslida Apple Watch Series 3 xarid qilgan. Soatni taqqanidan keyin devays unga oddiy yumushlarni bajarish davomida ham doimiy ravishda mashg‘ulot rejimini yoqishni taklif qilgan.
Soatda bir gap bor deb hisoblagan qizning ahvoli dekabr so‘ngiga kelib yomonlasha boshlagan. U karavotda yotganida ham soat bilan shu holat takrorlanavergan. Ahvoli yomonlashgan qiz “Salomatlik” dasturiga kirib, pulsi haqida ma’lumot bilmoqchi bo‘lgan va daqiqasiga 176 ko‘rsatkich qayd qilinganiga guvoh bo‘lgan. Zudlik bilan tez yordamga murojaat qilgan qizga yurak qorincha taxikardiyasi tashxisi qo‘yilgan. Ma’lum qilinishicha, davo choralari kechiktirilsa, ushbu kasallik o‘lim bilan tugashi mumkin bo‘lgan.
Ayni vaqtda shifoxonada davolanayotgan qiz bilan bog‘liq voqeadan xabar topgan Apple xodimlari me’yorda bo‘lmagan ritm — taxikardiya va biokardiya haqidagi ma’lumotni ko‘rsatish funksiyasi yoqilganida, yurak bilan bog‘liq muammo borligi haqida ertaroq xabar topish mumkin bo‘lardi, deb ta’kidlagan.
Izoh (0)