Amerikaning Shimoliy Karolina shtati, Lenand shahrida yashovchi fuqaro ishga yangi mashinasini haydab ketayotgan vaqtda yo‘l-transport hodisasiga uchradi, keyinroq esa lotereyadan jekpot yutib oldi. Bu haqda UPI xabar beradi.
Yangi mashinasini haydab ketayotgan Entoini Dou yo‘lda ikkita bug‘uni urib yuborgan. Shundan keyin ishga bormaslikka qaror qilgan va uyiga borib uxlagan. Uyg‘ongach lotereya chiptalarini tekshirib ko‘rgan va yutuqni qo‘lga kiritganini tushunib yetgan.
U chiptalarning biridagi raqamlarning million dollarlik tirajda keltirilgan raqamlarga to‘g‘ri kelganining guvohi bo‘lgan. Erkak chipta xarid qilganda qo‘shimcha to‘lov qilib, yutuqni ikki karra ko‘paytirish opsiyasini tanlagani sabab umumiy yutuq 2 million dollarni tashkil qilgan.
Entoini ushbu pullarga ota-onasining uyi va mashinasini ta’mirlatmoqchi, shuningdek, o‘zi hamda jiyanining kreditini to‘lamoqchi ekanligini ta’kidlagan.
Izoh (0)