Bundan 10 yillar oldin kanzaslik fuqaro o‘sha vaqtda krossvordga juda qiziqqan ota-onasi bilan hazillashmoqchi bo‘lib, ularga 28 ming so‘z uchun 90 ming kvadratdan iborat, o‘lchami 213 x 213 santimetrli ulkan krossvordni sovg‘a qilgan. Jamlanmadan savollar yozilgan 100 varaqli broshyura ham o‘rin olgan, deb yozadi Meduza.
Ushbu sovg‘adan 2020-yilda karantin boshlanguniga qadar foydalanilmagan. Uyda zerikib o‘tirgan ota-ona aprel oyida ulkan krossvordni eslab qolgan va ishga kirishgan.
Barchasi kutilganidan osonroq bo‘lib chiqqan. Aniqlanishicha, “qo‘rqinchli” krossvord aslida to‘qqizta turli qismlarga bo‘lingan. Biroq shunga qaramay, bo‘laklar er-xotin o‘tirib krossvord yechadigan stolga bazo‘r sig‘gan. Krossvorddagi barcha kataklarni to‘ldirishga 10 oyga yaqin vaqt ketgan.
2021-yilning yanvarida ota-ona o‘g‘liga o‘z ishini ko‘rsatgan va endi u o‘z navbatida javoblarni tekshirib chiqishi lozimligini aytib, hazillashgan. O‘g‘il sarosimaga tushib qolmagan: tez orada bu bilan shug‘ullanishini ta’kidlab, o‘zi dunyodagi eng katta sudokuni qidirishga tushgan.
Izoh (0)