Marokash qiroli Muhammad VI 28-yanvar kuni fuqarolarni koronavirus infeksiyasiga qarshi emlash bo‘yicha milliy kampaniya boshlashni ma’qulladi. Aholi bepul emlanadi, deb yozmoqda “Korrespondent.net”.
Saroyda vaksinatsiyaning maqsadini tushuntiruvchi press-reliz e’lon qilindi.
“Emlashdan maqsad — Marokash aholisining barcha toifalariga immunitet ulashish, pandemiya oqibatida kasallanish va o‘lim holatlarini kamaytirish va keyinchalik butunlay tugatish. Asta-sekin odatiy hayotga qaytish maqsadida koronavirusning tarqalishini cheklashdir”, — deyiladi hujjatda.
Qirolning ko‘rsatmasiga binoan emlash barcha toifadagi fuqarolar uchun bepul amalga oshiriladi.
Ta’kidlanishicha, mamlakatda 30 millionga yaqin odam — Marokash aholisining 80 foizini vaksinatsiyalash rejalashtirilmoqda.
Avvalroq Misrda koronavirusga qarshi emlash boshlangani, Afrika rivojlangan davlatlardan koronavirusga qarshi vaksinalarning ortiqchasini berishni so‘ragani haqida xabar berilgandi. Mavzuga doir:
