Qirg‘izistonning sobiq prezidenti So‘ronboy Jeenbekov sobiq bosh vazir o‘rinbosari Duyshenbek Zilaliyevning ishi bo‘yicha Bishkek shahar sudiga so‘roq qilish uchun chaqirildi. Bu haqda sobiq amaldorning advokati Taalaygul To‘qtakunovaga asoslanib Tengrinews xabar berdi.
“U shu yilning 3-fevralida bo'lib o‘tadigan sud majlisiga guvoh sifatida taklif qilingan. Duyshenbek Zilaliyev ‘noqonuniy boylik orttirish’ moddasi bilan ayblanmoqda. Bunga dalilning bir qismi sifatida bank yacheykasidan bir million dollar miqdorida pul topilgani asos bo‘lmoqda.
Tergov Zilaliyev davlat xizmatchisi bo‘lib turib buncha miqdorda mablag’ jamlay olmasligini ta’kidlamoqda. So‘ronboy Jeenbekov bu pullar bilan bevosita aloqador, chunki u o‘sha vaqtda prezidentlikka nomzod bo‘lgan So‘ronboy Jeenbekovning prezidentlik saylov kampaniyasiga mo‘ljallangan edi.
Mening mijozim bu pullarni unga to‘liq taqdim etgan. Buni sobiq bosh vazir Sapar Isoqov tasdiqlashi mumkin”, — degan advokat.
Advokatning so‘zlariga ko‘ra, Zilaliyev bu haqda tergov jarayonida ham ko‘rsatma bergan.
“O‘sha paytda So‘ronboy Jeenbekov prezident edi. Milliy xavfsizlik davlat qo‘mitasi ushbu ko‘rsatmaga yetarlicha baho bermagan. Ular mablag‘ Zilaliyevga tegishli deb hisoblashgan. Ammo bu yolg‘on ma’lumot edi. Internetda yacheykalardan ushbu pullar topilgani aks etgan video tarqaldi, ammo kadrda yoz fasli. Zilaliyev dekabr oyidayoq hibsga olingandi”, — deya qo‘shimcha qildi To‘qtakunova.
Ma’lumot uchun, bosh vazirning sobiq o‘rinbosari Duyshenbek Zilaliyev 2018-yil dekabr oyida hibsga olingan. Poytaxtning Pervomayskiy tuman sudi 2020-yil oktabr oyida sobiq amaldorni 9 yilga ozodlikdan mahrum qilgan. Hozirda advokatlarning apellyatsiya shikoyati asosida ish Bishkek shahar sudida ko‘rib chiqilmoqda.
Eslatib o‘tamiz, Qirg‘iziston prezidenti So‘ronbay Jeenbekov mamlakatdagi norozilik va siyosoy inqiroz sharoitida 2020-yilning oktabr oyida iste’foga chiqqan. Uning o‘rnini Sadir Japarov egallagan.
Izoh (0)