Дунёнинг энг қиммат брендлари номи маълум қилинди

Brand Finance таҳлилчилари дунёнинг энг қиммат компаниялари киритиладиган ҳар йилги Global 500 ҳисоботини тақдим этди, деб хабар беради Hi-Tech.Mail.ru.

Қизиқ жиҳати, 2016 йилдан буён биринчи бор энг юқори поғона Apple’га насиб этган — у 263,4 миллиард долларга баҳоланган. Кўрсаткичларнинг ўсиши бизнеснинг диверсификацияси ва рақамли сервисларга, жумладан, iCloud, Apple Podcasts, Apple Music, Apple ТV ва Apple Arcade’га обуналарнинг рижовланиши билан боғланмоқда.

Иккинчи ўринни чакана савдо билан шуғулланувчи Amazon гиганти эгаллаган бўлса (254,2 миллиард доллар), учинчи ўриндан Google жой олди (191,2 миллиард доллар). Шу билан бирга, таҳлилчиларнинг таъкидлашича, пандемия вақтида Google жиддий зарар кўрган, компания ўзининг маркетинг бюджетларини қисқартиришга мажбур бўлган. Шунингдек, юқори бешликдан Microsoft (140,4 миллиард) ва Samsung (102,6 миллиард) ўрин олди.

Бошқа номинацияларда, хусусан, энг тез ўсаётган бренд сифатида Tesla эътироф этилган — бир йил ичида компания 158 фоизга, яъни 32 миллиард долларга ўсган. Медиа соҳасида Netflix ажралиб турибди (24,9 миллиард доллар).