Uy mushugi bolaning balkon panjarasi ustiga chiqishiga yo‘l qo‘ymay, uni qutqardi. Voqea aks etgan video Hindiston o‘rmon xizmati xodimi Sudxa Ramen tomonidan Twitter’ga joylashtirilgan.
Videoda kichkina bola balkon panjarasini ushlab, uning ustiga ko‘tarilishga harakat qilayotgani aks etgan. Uning yonidagi uy mushugi esa bolaning hayoti xavf ostida ekanligini sezib, uni qutqarishga uringan. “Faqat insonlargina qahramon bo‘ladi, deganlar adashadi”, − deydi Ramen.
Video tez orada mashhurlikka erishdi. U 180 mingdan ortiq tomosha qilingan va 21 mingdan ortiq layk to‘plagan. Ijtimoiy tarmoq foydalanuvchilari mushukni bolaning “qo‘riqchi farishtasi” deb atagan. Ularning aksariyati videoga olayotgan bolaning otasini tanqid ham qilgan. Chunki tasvir so‘nggida erkakning oyoqlari ko‘rinib qolgan.
Bundan tashqari, “Dastlab 3-4 soniya davomida mushuk bolaning otasiga qaragan: nega uni to‘xtatmaysiz, degan ma’noda”,− deyilgan izohlarning birida.
Mavzuga doir:
- Britaniyada qo‘yning mehmonxonadagi sarguzashti videoga tushib qoldi
- AQShda it politsiya xodimini mashinasi buzilgan va o‘rmonda yo‘qolib qolgan egasining yoniga yetaklab keldi
- Video: Nyu-York aholisi metroda pitssa bo‘lagini ushlagan ulkan “kalamush”ga qanday munosabat bildirdi?
- Amerikalik qiz kasal oqqushni qutqarish uchun tug‘ilgan kunini nishonlashdan voz kechdi
Izoh (0)