Уй мушуги боланинг балкон панжараси устига чиқишига йўл қўймай, уни қутқарди. Воқеа акс этган видео Ҳиндистон ўрмон хизмати ходими Судха Рамен томонидан Twitter’га жойлаштирилган.
Видеода кичкина бола балкон панжарасини ушлаб, унинг устига кўтарилишга ҳаракат қилаётгани акс этган. Унинг ёнидаги уй мушуги эса боланинг ҳаёти хавф остида эканлигини сезиб, уни қутқаришга уринган. «Фақат инсонларгина қаҳрамон бўлади, деганлар адашади», − дейди Рамен.
Видео тез орада машҳурликка эришди. У 180 мингдан ортиқ томоша қилинган ва 21 мингдан ортиқ лайк тўплаган. Ижтимоий тармоқ фойдаланувчилари мушукни боланинг «қўриқчи фариштаси» деб атаган. Уларнинг аксарияти видеога олаётган боланинг отасини танқид ҳам қилган. Чунки тасвир сўнггида эркакнинг оёқлари кўриниб қолган.
Бундан ташқари, «Дастлаб 3-4 сония давомида мушук боланинг отасига қараган: нега уни тўхтатмайсиз, деган маънода»,− дейилган изоҳларнинг бирида.
Мавзуга доир:
- Британияда қўйнинг меҳмонхонадаги саргузашти видеога тушиб қолди
- АҚШда ит полиция ходимини машинаси бузилган ва ўрмонда йўқолиб қолган эгасининг ёнига етаклаб келди
- Видео: Нью-Йорк аҳолиси метрода пицца бўлагини ушлаган улкан «каламуш»га қандай муносабат билдирди?
- Америкалик қиз касал оққушни қутқариш учун туғилган кунини нишонлашдан воз кечди
Изоҳ (0)