“Eplasang, qochib qol!”: Turkiyada qo‘y, echki va qo‘zilar shahar hokimligi binosiga “hujum qildi” (video)

Turkiyaning Nevshehir shahrida qo‘y, echki va qo‘zilardan iborat hayvonlar ma’muriyat binosiga hujum qilmoqchi bo‘ldi. Bu haqda Daily Mail xabar bergan, deb yozadi “Domashniy Ochag”.

Video kuzatuv kamerasiga muhrlangan kadrlarda qo‘yning bino ichiga kirmoqchi bo‘lgan erkakka tashlangani, bu vaqtda uning sheriklari hududni nazorat qilib turganini ko‘rish mumkin. Bosqinchilar bu bilan chekinmagan, tasodifan shu atrofdan o‘tib-ketayotgan yo‘lovchi agressiv kayfiyatdagi hayvonlardan qochib qutilgan.

Bino xodimi hayvonlarni haydab yubormoqchi bo‘lgan, ammo ular shunchaki ortga chekinmagan, natijada xodim bino ichiga kirib olishiga to‘g‘ri kelgan.

Qo‘riqchilar qutqaruvchilarni chaqirganidan keyin hayvonlarning sarguzashtlariga chek qo‘yilgan va ular egasiga qaytarilgan.

Fermer Xasan Unbulanning aytishicha, unga qarashli qo‘y, echki va qo‘zilar kechasi qochib ketgan. Shundan keyin u bir necha soat davomida qidirgan, ammo natija kutilganidek bo‘lmaganidan keyin politsiyaga murojaat qilgan. Fermerning arizasi sabab politsiya xodimlari “bosqinchilar”ning kimga qarashli ekanini aniqlash hamda ularni uyiga qaytarib yuborishga muvaffaq bo‘lgan.