Samsung kompaniyasi o‘zining to‘liq simsiz Galaxy Buds Pro naushniklarini 14-fevral kuni taqdim etadi. IXBT ushbu qurilmaning “jonli” varianti ustida o‘tkazilgan test sinovlari tasvirlangan video bilan bo‘lishdi.

Foto: Voice

Rolikda naushniklar taglik jamlanmasi, simsiz quvvatlantirish tizimi bilan birganlikda namoyish etilgan bo‘lib, u Galaxy Buds Plus bilan taqqoslangan. Shuningdek, boshlovchi naushnikning barcha yangi funksiyalarini ishga tushirish mumkin bo‘lgan mobil dastur bilan ham bo‘lishgan.

Dastlabki xulosaga ko‘ra, gadjetning “shaffoflik rejimi” ancha yaxshilangan, ovoz sifati — “toza yuqori va o‘rta chastotali” fantastik. Faol shovqin so‘ndirish tizimi yaxshi ishlaydi, “biroq AirPods Pro’dek odamni hayratlantirmaydi”.

Avvalroq Apple kompaniyasi o‘zining birinchi to‘liq o‘lchamli naushnigi — AirPods Max’ni taqdim etgani, yangi naushniklar ichida suv to‘planib qolayotgani to‘g‘risida xabar berilgandi.