TikTok’да 420Doggface208 ники остида танилган айдахолик Натан Аподака АҚШ президенти Жо Байденнинг инаугурация маросимининг бир қисмига айланадиган «онлайн-парадда» чиқиш қилади, деб ёзади Esquire.
TMZ маълумотларига кўра, Байденнинг жамоаси машҳурлигига қарамай Аподака жуда камтар эканидан ҳайратга тушган ва унга инаугурациянинг онлайн қисмида скейтбордда чиқиш қилиш таклифини билдирган. Таъкидланишича, Аподака бунга рози бўлган ва ўзининг янги ролигини тайёрлаган.
Инаугурация бўйича қўмитанинг маълум қилишича, 20 январь куни виртуал «Америка бўйлаб парад» (Parade Across America) ўтказилиб, унда мамлакатнинг барча штатларидан бўлган вакиллар чиқиш қилади. Тадбир телевидение орқали трансляция қилинади.
Тадбирда АҚШ мадҳиясини Леди Гага куйлайди. Шунингдек, Женнифер Лопес, Жастин Тимберлейк ва бошқа кўплаб артистлар чиқиш қилади.
37 ёшли Натан Аподака ўтган йилнинг 25 сентябрида машҳурликка эришган. Ўша куни у 20 йилдан буён ишлаб келаётган картошка омборига отланган. Бироқ йўлда машинаси бузилиб қолган ва у лонгборди ва Ocean Spray шарбатини олиб, Fleetwood Mac рок гуруҳининг Dreams қўшиғи остида видео ёзган.
https://www.instagram.com/p/CFkxv93JvR5/?utm_source=ig_embed
Ролик катта машҳурликка эришган, телебошловчи Жимми Феллон, қўшиқчи Шакира ва Ocean Spray бош директори видеонинг ўз версияларини ҳам олган. Клюква шарбатини ишлаб чиқарувчи компания америкаликка янги пикап совға қилган, Апокада эса бренднинг юзига айланган.
Изоҳ (0)