Sovuq havoda qotgan lag‘mon, aravachada baland minoraga chiqayotgan nogiron alpinist, sudyaning jasadi. 18-yanvar suratlari
18-yanvar kuni dunyoning turli burchaklaridan olingan eng qiziqarli suratlar jamlanmasini taqdim etamiz.
Sibir aholisini sovuq qish bilan qo‘rqitish oson emas. Axir ba’zan buyumlar va mahsulotlar ham havoda muallaq qotib qoladi.Foto: “Korrespondent.ru”
Moskvada 18-yanvarga o‘tar kechasi so‘nggi 4 yildagi eng sovuq qish tuni bo‘ldi.Foto: Reuters
Hindiston Respublika kuni doirasidagi paradga hozirlik ko‘rmoqda.Foto: Reuters
Muxolifatchi Aleksey Navalniy Germaniyadan Rossiyaga qaytishda Sheremetyevo aeroportida qo‘lga olindi. U firibgarlik ishi bo‘yicha sinov muddatini bir necha marta buzganlikda ayblanib, qidiruvda edi.Foto: Reuters
Turkiyaning Istanbul shahri qor ostida. Bu qishdagi ilk qor.Foto: Reuters
Yava orolidagi Semeru vulqoni minglab indoneziyaliklarning o‘z uylarini tark etishiga sabab bo‘ldi.Foto: Reuters
Gonduraslik muhojirlar karvoni AQShga qarab bormoqda. Foto: EPA
Afg‘onistonning Kobul shahrida noma’lum shaxslar tomonidan otilgan sudya ayolning kafanlangan jasadini qarindoshlari olib ketmoqda.Foto: Reuters
Italiyaning Milan shahrida erkaklar kolleksiyasini taqdim etayotgan model.Foto: Reuters
AQShning Pensilvaniya shtatida pandemiya davrida o‘ziga xos shaklda ishlayotgan restoran ofitsianti taom olib ketmoqda.Foto: Reuters
Avstriyaning Vena shahrida koronavirus tufayli joriy etilgan cheklovlarga qarshi namoyish bo‘lmoqda.Foto: Reuters
Gonkongda nogiron alpinist Lay Chi-Vay 320 metrlik minoraga chiqishga harakat qilmoqda.Foto: Reuters
Nepalning Katmandu shahrida Budxanatx obidasi yonidagi kaptarlar.Foto: Reuters
Braziliyaning Manaus kompaniyasi yonida koronavirus va boshqa kasalliklarga chalingan bemorlarning yaqinlari kislorod balloni xarid qilish yoki uni to‘ldirish uchun navbatda turibdi.Foto: Reuters
Fransiyalik professional tog‘ baykeri Aurelien Fontenua 140 metrlik La Defans moliya minorasida 768 ta zina, 33 qavatdan tepaga ko‘tarilmoqda.Foto: Reuters
AQShning Kaliforniya shtatida dinozavr kostyumini kiyib olgan animator bilan selfi qilayotgan ayol.Foto: Reuters
AQSh prezidenti Donald Tramp tarafdorlari Jo Baydenning prezident etib saylanishiga qarshi namoyishda. Foto: Reuters
Malayziyaning Shoh-Alam hududida boladan koronavirus tahlili uchun namuna olinmoqda. Dam olish kunlari mamlakatda kasallanish 160 ming ko‘rsatkichdan yuqoriladi.Foto: EPA
Vyetnamning Xanoy shahrida Vyetnam Kommunistik partiyasining 13-milliy kongressi plakati yonidan o‘tib borayotgan odam.Foto: Reuters
Suriyaning Idlib shahrida kuchli yomg‘irdan so‘ng muhojirlar lagerining ko‘rinishi. Yomg‘ir 110 ta palatani cho‘ktirdi.Foto: Getty Images
Izoh (0)