AQShning amaldagi prezidenti Donald Tramp 19-yanvar o‘zining so‘nggi ish kunida yuzga yaqin kishini afv etadi. Bu haqda CNN va Reuters manbalariga asoslanib Meduza xabar bermoqda.
CNN xabariga ko‘ra, afv etiladiganlar ro‘yxatiga “iqtisodiy jinoyatlar uchun sudlanganlar, taniqli reperlar va boshqalar” kiradi. Afv etish to‘g‘risidagi qaror prezidentlik lavozimini tark etish oldidan Tramp bajarishi kerak bo‘lgan majburiyatlardan biridir.
CNN va Reuters agentliklari, kelgusida ta’qibga uchrashi kutilayotgan Trampning o‘zi va oila a’zolari mazkur ro‘yxatga kiritilmaydi, deb hisoblamoqda.
CNN ma’lumotiga ko‘ra, Tramp 2021-yil 6-yanvarda isyonga da’vat qilganlikda ayblanib, AQSh Kongressining Vakillar palatasi unga impichment e’lon qilgani sababli uning afv etilmasligi kerakligi haqida ogohlantirdi.
“O‘zini kechirish konstitutsiyaga ziddir, chunki bu bilan hech kim o‘z ishida sudya bo‘lmasligi kerak degan prinsipga putur yetadi”, — deya izohlaydi Reuters.
Boshqa tomondan, agentlik “afv etish huquqi AQSh Konstitutsiyasida juda keng belgilangan”, deb qo‘shib qo‘ydi. Biroq Trampning maslahatchilari unga o‘zini afv etiladiganlar ro‘yxatiga qo‘shmaslikni maslahat berdi, chunki “bu uning aybdor ekanini anglatadi”.
Afv etiladiganlar orasida WikiLeaks asoschisi Julian Assanj yo‘q, ammo ro‘yxat hali o‘zgarishi mumkin, deya qo‘shimcha qiladi CNN.
Tramp AQSh prezidentligini 2021-yil 20-yanvar kuni tushda tark etadi.
New York Times gazetasi ma’lumotiga ko‘ra, Trampning afv etilishi haqidagi muhokamalar davom etmoqda. Tramp lavozimidan ketgach raqiblarining ta’qibiga uchrashidan xavotirda.
Avvalroq Trampning safdoshlari u bilan aloqalaridan foydalanib, afv etishlar ortidan pul orttirgani hamda Tramp yordamchilari bilan o‘zini o‘zi afv etish masalasini muhokama qilgani haqida xabar berilgan edi.
Izoh (0)