O‘zbekistonda uncha kuchli bo‘lmagan yerosti silkinishlari sezildi

17-yanvarga o‘tar kechasi Afg‘onistonda yuz bergan zilzila kuchi O‘zbekiston shaharlarida sezildi. Bu haqda FVV Seysmoprognostik monitoring Respublika markazi ma’lum qildi.

Xabar berishlaricha, 17-yanvar kuni Toshkent vaqti bilan soat 01:02 da Afg‘onistonda 5,8 magnitudali zilzila sodir bo‘ldi.

Toshkent shahridan 552 kilometr janubi-sharqda joylashgan zilzila epitsentrida magnituda 5,8 ni tashkil etgan; zilzila o‘chog‘i 200 kilometr chuqurlikda joylashgani aytilmoqda.

Zilzila O‘zbekistonning quyidagi hududlarida ham sezilgan:

• Toshkent: 2−3 ball (epitsentrdan 552 kilometr uzoqlikda).
• Namangan: 2 ball (epitsentrdan 552 kilometr uzoqlikda).
• Andijon: 2 ball (epitsentrdan 506 kilometr uzoqlikda).
• Farg‘ona: 2 ball (epitsentrdan 451 kilometr uzoqlikda).
• Guliston: 2 ball (epitsentrdan 479 kilometr uzoqlikda).
• Jizzax: 2 ball (epitsentrdan 477 kilometr uzoqlikda).
• Samarqand: 2−3 ball (epitsentrdan 482 kilometr uzoqlikda).
• Buxoro: 2 ball (epitsentrdan 658 kilometr uzoqlikda).
• Termiz: 3 ball (epitsentrdan 312 kilometr uzoqlikda).
• Qarshi: 2 ball (epitsentrdan 505 kilometr uzoqlikda).
• Navoiy: 2 ball (epitsentrdan 613 kilometr uzoqlikda).