Ўзбекистонда унча кучли бўлмаган ерости силкинишлари сезилди

17 январга ўтар кечаси Афғонистонда юз берган зилзила кучи Ўзбекистон шаҳарларида сезилди. Бу ҳақда ФВВ Сейсмопрогностик мониторинг Республика маркази маълум қилди.

Хабар беришларича, 17 январь куни Тошкент вақти билан соат 01:02 да Афғонистонда 5,8 магнитудали зилзила содир бўлди.

Тошкент шаҳридан 552 километр жануби-шарқда жойлашган зилзила эпитцентрида магнитуда 5,8 ни ташкил этган; зилзила ўчоғи 200 километр чуқурликда жойлашгани айтилмоқда.

Зилзила Ўзбекистоннинг қуйидаги ҳудудларида ҳам сезилган:

• Тошкент: 2−3 балл (эпитцентрдан 552 километр узоқликда).
• Наманган: 2 балл (эпитцентрдан 552 километр узоқликда).
• Андижон: 2 балл (эпитцентрдан 506 километр узоқликда).
• Фарғона: 2 балл (эпитцентрдан 451 километр узоқликда).
• Гулистон: 2 балл (эпитцентрдан 479 километр узоқликда).
• Жиззах: 2 балл (эпитцентрдан 477 километр узоқликда).
• Самарқанд: 2−3 балл (эпитцентрдан 482 километр узоқликда).
• Бухоро: 2 балл (эпитцентрдан 658 километр узоқликда).
• Термиз: 3 балл (эпитцентрдан 312 километр узоқликда).
• Қарши: 2 балл (эпитцентрдан 505 километр узоқликда).
• Навоий: 2 балл (эпитцентрдан 613 километр узоқликда).