Futbol bo‘yicha Angliya Premyer Ligasi 19-turi doirasida 17-yanvar, yakshanba kuni “Tottenhem” safarda “Sheffild Yunayted” mehmoni bo‘ldi.
Joze Mourinyo jamoasi 5-daqiqadayoq Serj Oryening goli evaziga hisobda oldinga chiqib oldi. 40-daqiqada Harri Keyn hisobni 2:0 ko‘rinishiga keltirdi. 59-daqiqada mezbonlar a’zosi Devid Makgoldrik hisobni qisqartirgan bo‘lsa, o‘yinga yakuniy nuqtani oradan 3 daqiqa o‘tib, Tangi Ndombele qo‘ydi. Fransuz “Sheffild” posbonining ustidan to‘pni qoyilmaqom tarzda tashlab qo‘ydi.
“Tottenhem” mazkur g‘alabadan so‘ng ochkolari sonini 33 taga yetkazib, musobaqa jadvalida 4-o‘ringa ko‘tarilib oldi. “Sheffild Yunayted” esa 5 ochkosi bilan so‘nggi pog‘onani band etib turibdi.
APL19-tur bahslari17-yanvar, yakshanba
“Sheffild Yunayted”—“Tottenhem” 1:3
Gollar: 0:1 – 5 Orye, 0:2 – 40 Keyn, 1:2 – 59 Makgoldrik, 1:3 – 62 Ndombele.
“Sheffild Yunayted” – Remsdeyl, Stivens, Igan, Bashem (Sharp, 74), Bogl, Flek, Landstrem, Berk (Bryuster, 71), Norvud (Brayan, 67), Ampadu, Makgoldrik.
“Tottenhem” – Lyoris, Regilon (Sanches, 90), Orye, Rodon, Dayer, Bergveyn (Lukas Moura, 87), Hyoyberg, Son Hyon Min (Vinisius, 90), Ndombele, Devis, Keyn.
Ogohlantirishlar: Norvud (23), Landstrem (50), Igan (86), Ampadu (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)