Taniqli sport insayderi, jurnalist Ariel Helvani UFC promousheni mart oyida ikkita chempionlik jangini o‘tkazishi bo‘yicha ma’lumot taqdim etdi.
“Manbalarga ko‘ra UFC 27-martda ikkita chempionlik jangini o‘tkazadi:
Og‘ir vazn toifasida Stipe Miochich Frensis Ngannuga qarshi;
Yarim yengil vazn toifasida Aleksandr Volkanovski Brayan Ortegaga qarshi”, — deya yozadi Helvani.
Biroq ikkala jang ham hozircha UFC tomonidan rasman tasdiqlanmagan.
Eslatib o‘tamiz, Miochich va Ngannu 2018-yilda jang qilgan va o‘shanda Stipe ochkolar evaziga g‘alaba qozongandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)