“Barselona” bosh murabbiyi Ronald Kuman jamoa hujumchisi Lionel Messining Ispaniya Superkubogi finali doirasida “Atletik B”ga qarshi bahsdagi ishtiroki haqida gapirib o‘tdi.
Leo mashg‘ulot o‘tkazadi. So‘nggi so‘z doim futbolchilarning o‘zida qoladi. Uning maydonga tushishiga umid qilamiz.Avvalroq Messining jarohat sabab Superkubok finalini o‘tkazib yuborishi mumkinligi aytilgandi.Leo bilan jamoa kuchli. Agar u maydonda bo‘lmasa, bizga ijodkorlik va samaradorlik yetishmaydi. Messi maydonda bo‘lsa, u holda jamoa kuchli bo‘ladi. Bordi-yu u bo‘lmasa, o‘z futbolmizni ko‘rsatishga harakat qilamiz. Har bir futbolchi o‘ynash uchun 100 foiz tayyor bo‘lishi lozim.
Oldimizda juda ko‘p o‘yinlar kutib turibdi. Bu mavsumning so‘nggi o‘yini emas. O‘zini qanday his etishiga qarab, so‘nggi qarorni Messining o‘zi qabul qiladi.
Ronald Kuman, “Barselona” bosh murabbiyi
Eslatib o‘tamiz, Ispaniya Superkubogi uchun kechadigan “Barselona”—“Atletik B” bahsi Toshkent vaqti bilan 18-yanvarga o‘tar kechasi 01:00 da boshlanishi rejalashtirilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)