Футбол бўйича Англия Премьер Лигаси 19-тури доирасида 17 январь, якшанба куни «Тоттенҳэм» сафарда «Шеффилд Юнайтед» меҳмони бўлди.
Жозе Моуриньо жамоаси 5-дақиқадаёқ Серж Орьенинг голи эвазига ҳисобда олдинга чиқиб олди. 40-дақиқада Ҳарри Кейн ҳисобни 2:0 кўринишига келтирди. 59-дақиқада мезбонлар аъзоси Дэвид Макголдрик ҳисобни қисқартирган бўлса, ўйинга якуний нуқтани орадан 3 дақиқа ўтиб, Танги Ндомбеле қўйди. Француз «Шеффилд» посбонининг устидан тўпни қойилмақом тарзда ташлаб қўйди.
«Тоттенҳэм» мазкур ғалабадан сўнг очколари сонини 33 тага етказиб, мусобақа жадвалида 4-ўринга кўтарилиб олди. «Шеффилд Юнайтед» эса 5 очкоси билан сўнгги поғонани банд этиб турибди.
АПЛ19-тур баҳслари17 январь, якшанба
«Шеффилд Юнайтед»—«Тоттенҳэм» 1:3
Голлар: 0:1 – 5 Орье, 0:2 – 40 Кейн, 1:2 – 59 Макголдрик, 1:3 – 62 Ндомбеле.
«Шеффилд Юнайтед» – Рэмсдейл, Стивенс, Иган, Башем (Шарп, 74), Богл, Флек, Ландстрем, Берк (Брюстер, 71), Норвуд (Брайан, 67), Ампаду, Макголдрик.
«Тоттенҳэм» – Льорис, Регилон (Санчес, 90), Орье, Родон, Дайер, Бергвейн (Лукас Моура, 87), Ҳёйберг, Сон Ҳён Мин (Винисиус, 90), Ндомбеле, Дэвис, Кейн.
Огоҳлантиришлар: Норвуд (23), Ландстрем (50), Иган (86), Ампаду (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)