“Barselona” prezidentligi saylovlari avvaldan reja qilinganidek 24-yanvarda bo‘lib o‘tmaydigan bo‘ldi.
Kataloniya hukumati antikoronavirus cheklovlari tufayli ovoz beruvchilarning aksar qismi saylovlarda ishtirok etolmasligini klubga ma’lum qilgan.
“Barselona” pochta orqali ovoz berish masalasini taklif qilgan, biroq hukumat ruxsat bergan taqdirda ham bu chorani amalga oshirish uchun qonunga o‘zgartirishlar kiritish kerakligi va bu ham vaqt talab qilishi aytilgan.
Shundan keyin “Barselona” prezidentligini vaqtincha bajaruvchi Karles Tuskets va uch nomzod — Joan Laporta, Viktor Font, Toni Freysha ishtirokida yig‘ilish bo‘lib o‘tdi.
Unda tomonlar saylovlarni 7-mart kuniga qoldirish qaroriga keldi. Suhbat jarayonida boshqa sanalar ham tilga olingan, biroq ishtirokchilar 7-mart kunini ma’qul ko‘rgan, deya xabar qilmoqda Marca.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)