Futbol bo‘yicha Italiya A Seriyasining 18-turida “Latsio” va “Roma” jamoalari 15-yanvar, juma kuni o‘zaro bahsga kirishdi.
Uchrashuvning 14-daqiqasida Chiro Immobile maydon egalarini oldinga olib chiqdi. Oradan ko‘p o‘tmay Luis Alberto jamoasining ikkinchi golini urdi. 67-daqiqada Alberto dublni qayd etgan holda, hisobni yirik ko‘rinishga keltirdi.
Ketma-ket uchinchi g‘alabasini qo‘lga kiritgan “Latsio” 31 ochko bilan 7-o‘ringa ko‘tarildi. “Roma” (34) hozircha 3-pog‘onada bormoqda.
“Roma” keyingi turda “Spetsiya”ga qarshi bahs olib borsa, “Latsio” jamoasi “Sassuolo”ni mehmon qiladi.
A Seriya
18-tur bahsi
15-yanvar, juma
“Latsio” — “Roma” 3:0
Gollar: 1:0 – 14 Immobile, 2:0 – 23 Luis Alberto, 3:0 – 67 Luis Alberto.“Latsio”: Reyna, Radu (Hudt, 83), Luis Felipe (Gabarron, 69), Acherbi, Latssari, Luis Alberto, Marushich, Milinkovich-Savich, Leyva (Eskalante, 65), Immobile (Muriki, 83), Kaysedo (Akpa-Akpro, 66).
“Roma”: Lopes, Spinatssola (Bruno Peres, 71), Smolling, Manchini (Mayoral, 71), Karsdorp, Mxitaryan, Veretu (Pedro, 46), Pellegrini, Vilyar (Kristante, 60), Rojer, Jeko.
Ogohlantirishlar: Milinkovich-Savich (11), Radu (20), Manchini (33), Acherbi (45), Smolling (60), Luis Felipe (62), Leyva (63), Pedro (71), Mxitaryan (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)