Futbol bo‘yicha BAA Pro-Ligasining 13-turida 15-yanvar, juma kuni “Shabob al-Ahli” va “An-Nasr” jamoalari o‘zaro bahs yuritdi.
Dubay derbisida “Shabob al-Ahli”ning qo‘li baland keldi. Ikkinchi bo‘lim debyutida Yahyo al-G‘assoniy maydon egalarini oldinga olib chiqdi. Bu gol amalda o‘yin taqdirini hal qilib berdi.
Mazkur o‘yinda Doston Hamdamov “An-Nasr” safida debyutini o‘tkazdi va 80-daqiqada zaxiraga olindi. “Shabob” a’zosi Azizbek G‘aniyev esa to‘liq harakat qildi.
Shu tariqa “Shabob al-Ahli” ochkolarini 19 taga yetkazib oldi va 6-o‘ringa ko‘tarildi. “An-Nasr” (24) 3-pog‘onada qoldi.
BAA Pro-Ligasi
13-tur bahsi
15-yanvar, juma
“Shabob al-Ahli” — “An-Nasr” 1:0
Gol: 1:0 – 50 al-G‘assoniy.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)