Indoneziyaning Sulavesi orolida ketma-ket yuz bergan ikkita zilzila oqibatida kamida 34 kishi halok bo‘ldi, yuzlab odamlar jabrlandi va minglab aholi o‘z uylarini tark etishga majbur bo‘ldi, deb yozadi “Kommersant”.
Reuters ma’lumotlariga ko‘ra, jarohatlanganlar soni 600 kishidan oshgan. 6,2 magnitudali oxirgi zilziladan keyin kuchli aftershoklar sodir bo‘lishi mumkin.
Jumlah korban meninggal dunia dalam gempa bumi dengan Magnitudo 6,2 di Majene hingga Mamuju, Sulawesi Barat, Jumat (15/1) dini hari, bertambah jadi empat orang. Sebanyak 637 orang luka-luka dan 3.000 lainnya mengungsi. https://t.co/QH7LthCkDJ #CNNIndonesia #AntaraFoto #APPhoto pic.twitter.com/jF1Gl4ghQ4
— CNN Indonesia (@CNNIndonesia) January 15, 2021
Tabiiy ofat oqibatlarini yumshatish bo‘yicha mahalliy agentlik rahbari Ali Rahmon so‘zlariga ko‘ra, Mamuju shahrida 26 kishi halok bo‘lgan. Marhumlar soni ortishi mumkin, chunki ko‘pchilik qurbonlar vayronalar ostida qolgan. Favqulodda vaziyatlar bo‘yicha milliy agentlik alohida ma’lum qilishicha, Mamujudan janubda joylashgan hududda kamida sakkiz kishi halok bo‘lgan.
Zilzila epitsentri Majene shahridan 6 km shimoli-sharqda 10 km chuqurlikda joylashgan edi. Birinchi zilzila 14-yanvar kuni kechqurun, ikkinchisi 15-yanvarga o‘tar kechasi yuz bergan. Favqulodda vaziyatlar bo‘yicha agentlik ma’lum qilishicha, zilzilalar ketma-ketligi kamida uch joyda yer o‘pirilishini keltirib chiqargan, elektr ta’minoti uzilgan. Bundan tashqari, Mamujuga olib boradigan kamida bitta yo‘l ko‘prikka zarar yetishi oqibatida to‘silib qolgan.
Avvalroq zilzila oqibatida uch kishi halok bo‘lgani xabar berilgan edi. Bundan tashqari, dastlabki ma’lumotlarga ko‘ra, 62 ta uy, tibbiyot markazi va Mamujudagi harbiy ofis vayron bo‘lgan. Uchta joyda yer o‘pirilishlari sodir bo‘lgan, oqibatda Mamujuni Majene tumani bilan bog‘lovchi asosiy yo‘l to‘silib qolgan.
Mavzuga doir: Indoneziyada zilzila oqibatida uch kishi halok bo‘ldi
Izoh (0)