Индонезиянинг Сулавеси оролида кетма-кет юз берган иккита зилзила оқибатида камида 34 киши ҳалок бўлди, юзлаб одамлар жабрланди ва минглаб аҳоли ўз уйларини тарк этишга мажбур бўлди, деб ёзади «Коммерсантъ».
Reuters маълумотларига кўра, жароҳатланганлар сони 600 кишидан ошган. 6,2 магнитудали охирги зилзиладан кейин кучли афтершоклар содир бўлиши мумкин.
Jumlah korban meninggal dunia dalam gempa bumi dengan Magnitudo 6,2 di Majene hingga Mamuju, Sulawesi Barat, Jumat (15/1) dini hari, bertambah jadi empat orang. Sebanyak 637 orang luka-luka dan 3.000 lainnya mengungsi. https://t.co/QH7LthCkDJ #CNNIndonesia #AntaraFoto #APPhoto pic.twitter.com/jF1Gl4ghQ4
— CNN Indonesia (@CNNIndonesia) January 15, 2021
Табиий офат оқибатларини юмшатиш бўйича маҳаллий агентлик раҳбари Али Раҳмон сўзларига кўра, Мамужу шаҳрида 26 киши ҳалок бўлган. Марҳумлар сони ортиши мумкин, чунки кўпчилик қурбонлар вайроналар остида қолган. Фавқулодда вазиятлар бўйича миллий агентлик алоҳида маълум қилишича, Мамужудан жанубда жойлашган ҳудудда камида саккиз киши ҳалок бўлган.
Зилзила эпицентри Мажене шаҳридан 6 км шимоли-шарқда 10 км чуқурликда жойлашган эди. Биринчи зилзила 14 январь куни кечқурун, иккинчиси 15 январга ўтар кечаси юз берган. Фавқулодда вазиятлар бўйича агентлик маълум қилишича, зилзилалар кетма-кетлиги камида уч жойда ер ўпирилишини келтириб чиқарган, электр таъминоти узилган. Бундан ташқари, Мамужуга олиб борадиган камида битта йўл кўприкка зарар етиши оқибатида тўсилиб қолган.
Аввалроқ зилзила оқибатида уч киши ҳалок бўлгани хабар берилган эди. Бундан ташқари, дастлабки маълумотларга кўра, 62 та уй, тиббиёт маркази ва Мамужудаги ҳарбий офис вайрон бўлган. Учта жойда ер ўпирилишлари содир бўлган, оқибатда Мамужуни Мажене тумани билан боғловчи асосий йўл тўсилиб қолган.
Мавзуга доир: Индонезияда зилзила оқибатида уч киши ҳалок бўлди
Изоҳ (0)