Germaniyada koronavirusga qarshi emlangan 10 nafar keksa inson vafot etdi. Bu haqda Germaniyadagi har hafta chop etiladigan Der Spiegel jurnaliga tayanib, “RBK” xabar berdi.
“Vafot etganlarning barchasi og‘ir kasal bo‘lgan”, — deydi farmakologik klinika sohasidagi ekspert Bridjit Keller-Stanislavski. Uning so‘zlariga ko‘ra, ular keksa yoshdagi insonlar bo‘lgan.
Paul Erlix nomidagi Vaksinalar va biotibbiyot dori vositalari federal institutining ma’lum qilishicha, vaksinatsiyadan keyin 325 kishida salbiy asoratlar kuzatilgan. Hozirga qadar mamlakatda 600 mingdan ortiq odam koronavirusga qarshi emlangan. Keller-Stanislavskining ta’kidlashicha, salbiy asoratlar asosan vaksina bilan emlangan 60 yoshdan kattalarda kuzatilmoqda.
Paul Erlix instituti prezidenti Klaus Chichutekning ma’lum qilishicha, Germaniyada foydalanilayotgan vaksina xavfsiz va samarali. Mamlakatda Amerikaning Pfizer va Germaniyaning BioNTech kompaniyalari hamkorligida yaratilgan hamda Moderna vaksinalaridan foydalanilyapti.
Avvalroq Norvegiyada Pfizer vaksinasi bilan emlangan 23 kishi vafot etgani to‘g‘risida xabar berilgandi. Shuningdek, Isroilda Pfizer vaksinasi bilan emlangan erkak yurak xurujidan, portugaliyalik shifokor vaksinatsiyadan so‘ng vafot etgan.
Izoh (0)