AQShning saylangan prezidenti Jo Bayden mamlakat iqtisodiyotini rag‘batlantirish bo‘yicha 1,9 trillion dollarlik rejani tayyorladi. Unda fuqarolar va biznesni qo‘llab-quvvatlash borasidagi choralar keltirib o‘tilgan, deb xabar beradi “Kommersant”.
Jo Bayden o‘zining saylovoldi kampaniyasida pandemiya oqibatlariga qarshi kurashni kuchaytirishga va’da bergandi.
Reja quyidagilarni o‘z ichiga oladi:
- Pandemiyaga qarshi kurash va vaksinatsiyaga 415 milliard dollar;
- Uy xo‘jaliklarga to‘g‘ridagi to‘g‘ri yordam uchun 1 trillion dollar;
- Pandemiyada eng ko‘p jabr ko‘rgan kichik biznes tashkilotlarini qo‘llab-quvvatlashga 440 milliard dollar.
Bunga qadar ma’qullangan 600 dollarga qo‘shimcha ravishda soliq to‘lovchilarga 1,4 ming dollardan to‘lash taklif etilmoqda. Shunday qilib, dekabr—yanvar oylaridagi to‘g‘ridan to‘g‘ri to‘lovlar 2 ming dollarni tashkil etadi, pandemiya boshidan buyon — 3,2 ming dollar. Ishsizlik uchun to‘lanadigan qo‘shimcha sug‘urta pullar haftasiga 300 dollardan 400 dollarga oshiriladi.
Izoh (0)