Vazirlar Mahkamasining “Yetim bolalar va ota-onasining yoki boshqa qonuniy vakillarining qaramog‘idan mahrum bo‘lgan bolalarning ijtimoiy himoyasini yanada kuchaytirish chora-tadbirlari to‘g‘risida” 2019-yil 21-noyabrdagi 739-son qaroriga o‘zgartirish kiritish haqidagi qaror loyihasi e’lon qilindi.
Unga ko‘ra, muqaddam qasddan jinoyat sodir etgan shaxslar tomonidan farzandlikka olishni taqiqlash tizimini ijtimoiy xavfliligiga qarab belgilash ko‘zda tutilmoqda.
Amaldagi qonunchilikda qasddan sodir etgan jinoyatlari uchun ilgari hukm qilingan shaxslar voyaga yetmaganlarni farzandlikka olishiga yo‘l qo‘yilmaydi. Bu esa ijtimoiy ahamiyati katta bo‘lmagan, uncha og‘ir bo‘lmagan hamda farzandlikka olishga to‘sqinlik qilmaydigan jinoyat turlari (iqtisodiyot, ekologiya sohasidagi jinoyatlar va h.k.) uchun ham tatbiq qilinadi.
Tahlillarga ko‘ra, mamlakatda farzandlikka olish istagini bildirgan shaxslar 4 mingdan ortiqni tashkil qiladi. Bugungi kunda farzandlikka olish istagida navbatda turganlarning soni farzandlikka berilayotganlarga (har yili o‘rtacha 200 nafar bola) nisbatan ancha yuqori ekanligi ta’kidlangan.
Qaror loyihasiga ko‘ra, muqaddam qasddan jinoyat sodir etgan shaxslar tomonidan farzandlikka olishni taqiqlash tizimini ijtimoiy xavfliligiga qarab belgilash maqsadida Voyaga yetmagan bolalarni farzandlikka va oilaga tarbiyaga olish (patronat) to‘g‘risidagi nizom ichiga kiruvchi “shaxsga, tinchlik va xavfsizlikka, jamoat xavfsizligi va jamoat tartibiga qarshi og‘ir va o‘ta og‘ir jinoyatlarni qasddan sodir etganlik uchun ilgari hukm qilinganlar” tahririda bayon etish ko‘zda tutilmoqda.
Mavzuga doir:
- Tanzila Norboyeva bir yilda ota-ona qaramog‘idan mahrum bo‘lgan bolalarning qanchasi oilalarga farzandlikka berilayotganini ma’lum qildi
- O‘zbekistonda 2021-yilda chin yetim bolalarni uy-joy bilan ta’minlash uchun 30 mlrd so‘m ajratilishi ma’lum qilindi
- Toshkentda ikki yildan buyon Mehribonlik uylari bitiruvchilariga nafaqa to‘lanmayapti. Shahar moliya boshqarmasi bunga izoh berdi
Izoh (0)