Farg‘onada Tico yo‘lni kesib o‘tayotgan piyodani urib yubordi. Jabrlanuvchi shifoxonada vafot etdi

Farg‘onada Tico avtomobili yo‘lni kesib o‘tayotgan piyodani urib yubordi, deb xabar beradi viloyat IIB axborot xizmati.

Ma’lumotlarga ko‘ra, 8-yanvar, juma kuni Farg‘ona shahri Islom Karimov ko‘chasida Tico avtomobili yo‘lni kesib o‘tayotgan piyodani urib yuborgan. Oqibatda M.A. ismli ayol tan jarohati olib, shifoxonada vafot etgan.

Mazkur holat yuzasidan Farg‘ona shahar IIO FMB huzuridagi tergov bo‘limi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilib, tergov harakatlari olib borilmoqda.

Avvalroq Gulistonda Nexia yo‘ldan o‘tayotgan ona-bolani urib yuborgani, Qoraqalpog‘istonda yuz bergan YTH oqibatida 1-sinf o‘quvchisi vafot etgani, Jizzaxda maktab o‘quvchisi boshqaruvidagi “Niva” ikki voyaga yetmagan piyodani urib yuborgani to‘g‘risida xabar berilgandi.