Namangan shahrining sobiq hokimi Bahodir Bekxo‘jayev viloyat maxsus ekspluatatsiya-montaj bo‘limi boshlig‘i etib tayinlandi. Bu haqda “Daryo” muxbiri Azizbek Abduvaliyev xabar bermoqda.
Bahodir Bekxo‘jayev 1972-yilda Namangan shahrida tug‘ilgan. Ma’lumoti oliy, 1994-yilda Namangan sanoat-texnologiya institutini tamomlagan.
Mehnat faoliyatini 1994-yilda “Namanganagrosanoatqurilish” aksiyadorlik jamiyatiga qarashli korxonada sifatni nazorat qiluvchi ustalikdan boshlagan.
1998—2013-yillarda Namangan shahar hokimligi mutaxassisi, bosh mutaxassisi, “Suvoqava” korxonasi shahar filiali direktori, “Ko‘mak-madad” uy-joy mulkdorlari shirkatlari assotsiatsiyasi raisi, Namangan shahar “Obodonlashtirish” unitar korxonasi boshlig‘i, Namangan tumani hokimining birinchi o‘rinbosari vazifalarida faoliyat ko‘rsatgan.
2013—2017-yillarda Namangan shahri hokimi bo‘lgan. Shundan so‘ng viloyat arxitektura va qurilish nazorati inspeksiyasi boshlig‘i, Namangan tumani hokimining birinchi o‘rinbosari bo‘lib ishlagan.
2020-yildan hozirgacha “O‘zikkilamchiqorametall” Namangan filiali boshlig‘i o‘rinbosari lavozimida ishlab kelayotgandi.
Bahodir Bekxo‘jayev Namangan viloyati hokimining 2021-yil 8-yanvardagi qarori bilan viloyat maxsus ekspluatatsiya-montaj bo‘limi boshlig‘i etib tayinlandi.
Mavzuga doir: Namangan viloyati hokimiga ikki maslahatchi tayinlandi
Izoh (0)