Buxoroda tanishi bilan salomlashish uchun mashinasini yo‘lning o‘rtasida to‘xtatgan Nexia-3 haydovchisi jarimaga tortildi, deb xabar beradi IIV YHXBB axborot xizmati.
Ijtimoiy tarmoqlarda Buxoro shahrida tasvirga tushirilgan videolavha tarqaldi. Unda haydovchi tanishi bilan salomlashish uchun mashinani yo‘lning o‘rtasida to‘xtatgani aks etgan.
IIV YHXBB Buxoro shahridagi ko‘chalardan birida Nexia-3 rusumli avtomobil haydovchisi yo‘l harakati qoidalarini chetlab o‘tib, yo‘lning qatnov qismida to‘xtagani va bu qoidabuzarligi bilan boshqa harakat qatnashchilarining erkin harakatiga xalaqit bergan holati aks etgan videolavhani o‘rganib chiqqan.
“Mazkur videolavhadagi holat Buxoro shahar IIO FMB YHXB mas’ul xodimlari tomonidan o‘rganildi va qoidabuzar haydovchiga belgilangan tartibda chora ko‘rildi”, — deyiladi ma’lumotda.
YHXBB barcha haydovchilardan belgilangan qoidalarga amal qilishini so‘rab, qoidabuzarlarga o‘rnatilgan tartib asosida chora ko‘rilishini eslatib o‘tgan.
Avvalroq Toshkent shahrining Yunusobod tumanida tushirilayotgan shlagbaumga e’tibor bermagan ikki haydovchi YTHga uchragani to‘g‘risida xabar berilgandi.
Izoh (0)