Жиззах вилоятининг Пахтакор туманида газ йўқлигидан норози аҳоли катта йўлни тўсгани тўғрисида хабар берилганди. «Zamon.uz» нашрининг Жиззах вилояти «Ҳудудий газ таъминот» матбуот котиби Зокир Матчановга таяниб маълум қилишича, Пахтакор тумани газ етиб келиш қийин бўлган ҳудудлардан бири ҳисобланади.
Унинг аниқлик киритишича, газ қувурига улаш бўйича ишлар «Шароф Рашидов» маҳалласидан бошланган, бироқ «Шароф Рашидов» маҳалласига газ етиб келмагани учун ҳокимнинг қарори билан беш йил олдин газ қувури кесиб ташланган. Шу кунга қадар улар суюқ газ ва кўмир билан доимий таъминланиши бўйича ҳеч қандай муаммо бўлмаган. Лекин аҳолининг айтишича, бу газ фақат овқат тайёрлашгагина етади.
Вилоят ҳокимлигининг биринчи ўринбосари ва мутасадди раҳбарлар воқеа жойига чиқиб, аҳолини тинчлантириш мақсадида тушунтириш ишлари олиб борилган. Бир ҳафта муддатда аҳолига табиий газ етказиб бериш ваъда қилинган.
Ўзбекистонда сўнгги йилларда у ёки бу камчиликдан муттасил азият чекаётган аҳолининг норозилик тариқасида йўлларни тўсиб қўйиши ҳолатлари тез-тез юз бермоқда. Хусусан, аввалроқ Сирдарёдаги «заправка»да газ берилмаётганидан норози ҳайдовчилар йўлни тўсиб қўйганди, декабрь охирида эса Қўқондаги маҳаллалардан бирининг аҳолиси газ ва электр энергияси таъминотининг йўқлиги сабаб ҳокимлик қаршисидаги йўлни тўсиб қўйган.
Изоҳ (1)
Daryo shu mavzuga bir qaytib vaziyatni organib qoymaysizlarmi Gaz berilmagan xaligacham yetmaganiday xozir svetni xam ochiryapdi.Yolni tosganida men bundan battari bolmasa kerak deb oylagandim menimcha bular shundan battarini xoxlayapti