Futbol bo‘yicha Italiya A Seriyasining 17-turida “Milan” 9-yanvar, shanba kuni “Torino”ni o‘z maydonida mehmon qildi.
Milanliklar bahsning 25-daqiqasida Rafael Leauning sa’y-harakatlari evaziga hisobda oldinga chiqib oldi. 36-daqiqada esa Frank Kessie penaltini aniq amalga oshirib, oradagi farqni oshirdi — 2:0. Ushbu hisob o‘yin yakuniga qadar saqlanib qoldi.
Mazkur g‘alabadan keyin “Milan”ning ochkolari soni 40 taga yetdi, jamoa 1-pog‘onada bormoqda. “Torino” esa 12 ochko jamg‘argan holda 18-o‘rindan joy olgan.
A Seriya
17-tur bahsi9-yanvar, shanba
“Milan” — “Torino” 2:0
Gollar: 1:0 – 25 Rafael Leau, 2:0 – 36, penalti Kessie.“Milan”: Donnarumma, Teo, Kyer, Kalabriya, Romanyoli, Kastilyexo, Heuge (Maldini, 85), Kessie, Tonali (Diogu Dalot, 54), Braim Dias (Chalxono‘g‘lu, 60), Rafael Leau (Ibragimovich, 85).
“Torino”: Sirigu, Singo, Bremer, Isso (Dzadza, 64), Rodriges (Murru, 64), Goyak (Linetti, 46), Lukich, Verdi, Rinkon (Segre, 76), Voynovich, Belotti (Bonassoli, 86).
Ogohlantirishlar: Rinkon (26), Braim Dias (38), Romanyoli (41), Tonali (45), Diogu Dalot (65), Rafael Leau (79), Kalabriya (85), Segre (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)