“Jenoa” hujumchisi Eldor Shomurodov A Seriya 16-turi doirasida “Bolonya”ga qarshi kechgan 9-yanvar kungi uchrashuvda (2:0) asosiy tarkibda maydonga tushdi.
WhoScored portali o‘zbekistonlik futbolchining o‘yinini 7,1 ballga baholagan. Eldor uchrashuvda jamoasining birinchi goliga olib kelgan vaziyatda faol harakat qildi.
Shomurodov maydonda harakat qilgan 81 daqiqa davomida 34 marta to‘pga tegindi. Uning 22 uzatmasidan 12 tasi (55%) aniq chiqdi. 25 yoshli futbolchi maydonda 6 marta yakkakurashga kirishib, ularning bittasida muvaffaqiyat qozondi. Havodagi 9 urinishning esa 4 tasida ustun keldi.
Eldor shuningdek, uch marta muhim uzatma amalga oshirdi va bir bor golga tortadigan uzatma muallifiga aylandi.
Shomurodov A Seriya 2020/21-yilgi mavsumida 11 ta o‘yin o‘tkazib, 2 gol va bitta golli uzatma amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)