Futbol bo‘yicha Angliya Kubogining 3-bosqichidan o‘rin olgan bir qator o‘yinlar 9-yanvar, shanba kuni bo‘lib o‘tdi.
“Arsenal” o‘z maydonida “Nyukasl”ni qabul qildi. “Emireyts”da o‘tgan uchrashuvning asosiy vaqtida darvozalar ishg‘ol etilmadi. Qo‘shimcha bo‘limlarda esa “to‘pchilar” g‘alabani ilib ketdi. 109-daqiqada Emil Smit-Rou hisobni ochdi. 117-daqiqaga kelib esa Pyer-Emerik Obameyang hisobni 2:0 ga yetkazib, o‘yinga yakuniy nuqtani qo‘ydi.
“Manchester Yunayted” o‘z maydonida “Uotford”ni mehmon qildi. Uchrashuvdagi yagona gol 5-daqiqada Skott Maktomini tomonidan urildi. Shundan so‘ng ikkala jamoa vakillari har qancha urinmasin darvozalar boshqa ishg‘ol etilmadi.
“Everton” “Roterhem”dan ustun kelgan bo‘lsa (2:1), “Lester” “Stok Siti”ni yirik 4:0 hisobida tor-mor keltirdi.
Shu tariqa “Lester”, “Everton”, “Arsenal” va “Manchester Yunayted” Angliya Kubogining 1/16 finaliga yo‘l oldi.
Angliya Kubogi
3-bosqich9-yanvar, shanba
“Arsenal” — “Nyukasl” 2:0
Gollar: 1:0 – 109 Smit-Rou, 2:0 – 117 Obameyang.“Arsenal”: Leno, Luiz, Mari, Soaresh (Meytlend-Naylz, 120), Tirni, Pepe (Lyakazett, 105), an-Nenni, Villian (Saka, 66), Uillok (Jaka, 66), Nelson (Smit-Rou, 56), Obameyang.
“Nyukasl”: Dubravka, Dammett, Kraft (Myorfi, 68), Klark, Lassels (Ritchi, 46), Heyden, Hendrik, Longstaff, Almiron (Yedlin, 81), Kerroll (Geyl, 105), Joelinton (Anderson, 81).
Ogohlantirishlar: Lassels (9), Kerroll (26), Soaresh (45), Klark (90), Smit-Rou (90), Heyden (90).
“Manchester Yunayted” — “Uotford” 1:0
Gol: 1:0 – 5 Maktominey.“Manchester Yunayted”: Henderson, Tuanzebe, Bayi (Maguayr, 45), Telles, Uilyams, van de Bek, Maktominey, Jeyms (Reshford, 68), Mata, Lingard (Matich, 80), Grinvud (Marsyal, 69).
“Uotford”: Bahmann, Trost-Ekong (Uilmot, 76), Syerralta, Mazina (Ngakia, 58), Navarro, Hyuz, Chaloba (Fillips, 84), Sinkernagel (Hungbo, 76), Sarr (Sema, 58), Joao Pedro, Grey.
Ogohlantirishlar: Sarr (38), Tuanzebe (65), Telles (72).
“Everton” – “Roterhem” 2:1
Gollar: 1:0 – 9 Tosun, 1:1 – 56 Olosunde, 2:1 – 93 Dukure.
“Stok Siti” – “Lester” 0:4
Gollar: 0:1 – 34 Jastin, 0:2 – 59 Olbrayton, 0:3 – 79 Peres, 0:4 – 81 Barns.“Bristol Rovers” – “Sheffild” 2:3
Gollar: 0:1 – 6, avtogol Dey, 1:1 – 21 Kilgur, 1:2 – 59 Berk, 2:2 – 62 Emer, 2:3 – 63 Bogl.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)