“Tollimarjon” issiqlik elektr stansiyasidagi 8-noyabr kuni soat taxminan 10:30 atrofida o‘chib qolgan ikkita bug‘-gaz qurilmasi qaytadan ishga tushirildi, deya xabar berdi Energetika vazirligining 9-yanvardagi axborotida.
“Mutaxassislar tomonidan olib borilgan tadbirlar natijasida 9-yanvar kuni soat 11:36 da uchinchi va soat 12:59 da ikkinchi bug‘-gaz qurilmasi shtat rejimida ishga tushirildi”, — deyiladi xabarda. Avariya yuz bergach, energetika vaziri Alisher Sultonov ham stansiyaga yetib borgan edi.
Ushbu ikki qurilmaning umumiy quvvati 900 megavattga teng, butun IESning quvvati esa, birinchi energoblokni ham qo‘shib hisoblasa, 1700 megavattni tashkil etadi. Ikki bug‘-gaz qurilmasining o‘chib qolishi oqibatida elektr energiya ta’minoti 446 megavattga qisqargan, Qashqadaryo viloyatining ayrim hududlari elektr ta’minotidan to‘liq uzilib qolgan edi.
“Tollimarjon” IESning ushbu ikki bug‘-gaz qurilmasi 5-yanvar kuni ham rejadan tashqari o‘chib qolgan edi. Bu holat nafaqat O‘zbekiston, balki qo‘shni Qozog‘iston va Qirg‘iziston energiya tizimilarida ham nosozliklar keltirib chiqardi. O‘zbekistonning boshqa IESlarida ham qisman o‘chish holatlari qayd etildi.
Mavzuga doir:
- “Qashqadaryo hududiy elektr tarmoqlari korxonasi” rahbari Yangi yilni “svet”siz kutib olgan kosonliklardan uzr so‘radi
- Qashqadaryo hokimi viloyatda elektr ta’minoti soatlab rejasiz uzilayotgani ustidan Abdulla Aripovga shikoyat qildi. Bosh vazir vaziyat ikki kunda o‘nglanishiga va’da berdi
- “Hokimiyat binosida ham elektr ta’minoti yo‘q”. Kitob hokimi aholining elektr ta’minotidagi muammolardan shikoyatiga javob qaytardi
Izoh (0)