«Толлимаржон» иссиқлик электр станциясидаги 8 ноябрь куни соат тахминан 10:30 атрофида ўчиб қолган иккита буғ-газ қурилмаси қайтадан ишга туширилди, дея хабар берди Энергетика вазирлигининг 9 январдаги ахборотида.
«Мутахассислар томонидан олиб борилган тадбирлар натижасида 9 январь куни соат 11:36 да учинчи ва соат 12:59 да иккинчи буғ-газ қурилмаси штат режимида ишга туширилди», — дейилади хабарда. Авария юз бергач, энергетика вазири Алишер Султонов ҳам станцияга етиб борган эди.
Ушбу икки қурилманинг умумий қуввати 900 мегаваттга тенг, бутун ИЭСнинг қуввати эса, биринчи энергоблокни ҳам қўшиб ҳисобласа, 1700 мегаваттни ташкил этади. Икки буғ-газ қурилмасининг ўчиб қолиши оқибатида электр энергия таъминоти 446 мегаваттга қисқарган, Қашқадарё вилоятининг айрим ҳудудлари электр таъминотидан тўлиқ узилиб қолган эди.
«Толлимаржон» ИЭСнинг ушбу икки буғ-газ қурилмаси 5 январь куни ҳам режадан ташқари ўчиб қолган эди. Бу ҳолат нафақат Ўзбекистон, балки қўшни Қозоғистон ва Қирғизистон энергия тизимиларида ҳам носозликлар келтириб чиқарди. Ўзбекистоннинг бошқа ИЭСларида ҳам қисман ўчиш ҳолатлари қайд этилди.
Мавзуга доир:
- «Қашқадарё ҳудудий электр тармоқлари корхонаси» раҳбари Янги йилни «свет»сиз кутиб олган косонликлардан узр сўради
- Қашқадарё ҳокими вилоятда электр таъминоти соатлаб режасиз узилаётгани устидан Абдулла Ариповга шикоят қилди. Бош вазир вазият икки кунда ўнгланишига ваъда берди
- «Ҳокимият биносида ҳам электр таъминоти йўқ». Китоб ҳокими аҳолининг электр таъминотидаги муаммолардан шикоятига жавоб қайтарди
Изоҳ (0)