«Барселона» ҳужумчиси Лионель Месси Ла Лига 18-тур доирасида 9 январь куни «Гранада»га қарши кечган баҳсда (4:0) дублга эришди. Аргентиналик футболчи учрашувнинг 42-дақиқасида жарима зарбасидан аниқ зарба йўллаган ҳолда ҳисобни 3:0 кўринишига келтирди.
Шу тариқа Месси «Барселона» сафида (барча мусобақаларда) жарима зарбаларидан урилган голлари сонини 48 тага етказиб олди (уларнинг 37 таси Ла Лигада). Бунинг эвазига Месси клубдаги профессионал фаолияти давомида жарималардан 47 та гол урган Криштиану Роналдуни қувиб ўтди. Роналду «Реал» сафида Ла Лига 32 марта жарима зарбасидан унумли фойдаланганди.
Қайд этиш жоиз, Месси сўнгги 72 та уринишда жарима зарбасидан иккита гол уришга эришди.
Месси жорий мавсум Ла Лигада 17 ўйин ўтказиб, 11 гол ва иккита голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)