Futbol bo‘yicha Italiya A Seriyasining 17-turida “Jenoa” 9-yanvar, shanba kuni “Bolonya”ni o‘z maydonida mehmon qildi.
Birinchi taymning 44-daqiqasida Eldor Shomurodovning qanotdan boshlab bergan hujumi gol bilan yakunlandi. Ushbu vaziyatda Mixa Zayts o‘z nomiga gol yozdirib qo‘ydi. Shu tariqa genuyaliklar tanaffusga 1:0 hisobidagi ustunlik bilan yo‘l oldi.
55-daqiqaga kelib esa Mattia Destro darvozabonning xatosidan unumli foydalanib, hisobni 2:0 ko‘rinishiga olib keldi. Shundan so‘ng darvozalarga boshqa to‘p kiritilmadi. Eldor Shomurodov esa uchrashuvning 80-daqiqasida zaxiraga olindi.
Ushbu g‘alabadan keyin “Jenoa” ocholarini 14 taga yetkazib, 19 dan 17-o‘ringa ko‘tarilgan bo‘lsa, “Bolonya” (17) 12-pog‘onada bormoqda.
“Atalanta” mazkur turda “Benevento” mehmoni bo‘ldi va 4:1 hisobidagi ishonchli g‘alabaga erishdi. Bergamoliklar safida gollarga Yosip Ilichich, Rafael Toloi, Duvan Sapata va Luis Muriel mualliflik qilgan bo‘lsa, maydon egalarining yagona javob to‘pi Marko Sau nomiga yozildi.
“Atalanta” ushbu g‘alabadan keyin ochkolarini 31 taga yetkazib, 4-o‘ringa ko‘tarildi, “Benevento” (21) 10-pog‘onada bormoqda.
A Seriya
17-tur bahsi9-yanvar, shanba
“Jenoa” — “Bolonya” 2:0
Gollar: 1:0 – Zayts 44, 2:0 – Destro 55.“Jenoa”: Perin, Krishito (Gilyone, 46), Masyello, Bani, Dzappakosta, Badel, Radovanovich, Zays, Bexrami (Ebong, 46; Lerager, 74), Shomurodov (Pyatsa, 81), Destro (Melegoni, 86).
“Bolonya”: Anjelo, Tomiyasu, Pas (Poli, 81), Larangeyra, Xiki (Deyks, 60), Sxauten (Barrou, 60), Dominges, Orsolini (Olsen, 74), Soriano, Vinyato, Palasio (Rabbi, 82).
Ogohlantirishlar: Radovanovich (66), Gilyone (87).
“Benevento” — “Atalanta” 1:4
Gollar: 0:1 – 30 Ilichich, 1:1 – 50 Sau, 1:2 – 69 Toloi, 1:3 – 71 Sapata, 1:4 – 86 Muriel.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)