Футбол бўйича Италия А Сериясининг 17-турида «Женоа» 9 январь, шанба куни «Болонья»ни ўз майдонида меҳмон қилди.
Биринчи таймнинг 44-дақиқасида Элдор Шомуродовнинг қанотдан бошлаб берган ҳужуми гол билан якунланди. Ушбу вазиятда Миха Зайц ўз номига гол ёздириб қўйди. Шу тариқа генуяликлар танаффусга 1:0 ҳисобидаги устунлик билан йўл олди.
55-дақиқага келиб эса Маттиа Дестро дарвозабоннинг хатосидан унумли фойдаланиб, ҳисобни 2:0 кўринишига олиб келди. Шундан сўнг дарвозаларга бошқа тўп киритилмади. Элдор Шомуродов эса учрашувнинг 80-дақиқасида захирага олинди.
Ушбу ғалабадан кейин «Женоа» очоларини 14 тага етказиб, 19 дан 17-ўринга кўтарилган бўлса, «Болонья» (17) 12-поғонада бормоқда.
«Аталанта» мазкур турда «Беневенто» меҳмони бўлди ва 4:1 ҳисобидаги ишончли ғалабага эришди. Бергамоликлар сафида голларга Йосип Иличич, Рафаэл Толои, Дуван Сапата ва Луис Муриэль муаллифлик қилган бўлса, майдон эгаларининг ягона жавоб тўпи Марко Сау номига ёзилди.
«Аталанта» ушбу ғалабадан кейин очколарини 31 тага етказиб, 4-ўринга кўтарилди, «Беневенто» (21) 10-поғонада бормоқда.
А Серия
17-тур баҳси9 январь, шанба
«Женоа» — «Болонья» 2:0
Голлар: 1:0 – Зайц 44, 2:0 – Дестро 55.«Женоа»: Перин, Кришито (Гильоне, 46), Масьелло, Бани, Дзаппакоста, Бадель, Радованович, Зайц, Бехрами (Эбонг, 46; Лерагер, 74), Шомуродов (Пьяца, 81), Дестро (Мелегони, 86).
«Болонья»: Анжело, Томиясу, Пас (Поли, 81), Ларангейра, Хики (Дейкс, 60), Схаутен (Барроу, 60), Домингес, Орсолини (Ольсен, 74), Сориано, Винято, Паласио (Рабби, 82).
Огоҳлантиришлар: Радованович (66), Гильоне (87).
«Беневенто» — «Аталанта» 1:4
Голлар: 0:1 – 30 Иличич, 1:1 – 50 Сау, 1:2 – 69 Толои, 1:3 – 71 Сапата, 1:4 – 86 Муриэль.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)