Rossiyalik insayder va futbol sharhlovchisi Nobel Arustamyan “Jenoa” hujumchisi Eldor Shomurodovga “Yuventus”dan qiziqish bo‘layotgani haqidagi xabarlarga munosabat bildirib o‘tdi.
Bu sarlavhalarga ko‘pchilik kulgi aralash yondashdi — garchi bu ish oz bo‘lsa ham haqiqatga yaqin bo‘lsa-da. Italiyada qishki transfer oynasi — ko‘pincha taxmin qilib bo‘lmas ismlarga boy bo‘ladi. Ayniqsa, hozirgi “Yuventus” misolida. Yaqinda klub Xitoyda allaqachon o‘z darajasini tushirib yuborgan 35 yoshli Gratsiano Pelle bilan bog‘landi. Pellening tengdoshi, 6 yil avval Turinda to‘p tepgan Fernando Lyorente yoki undan ham yoshi katta Fabio Kualyarellaga qiziqish bildirildi.Avvalroq Tuttosport nashri “Yuventus” o‘zbekistonlik futbolchiga qiziqish bildirayotgani va unga Alvaro Morataning o‘rinbosari sifatida qarayotgani haqida xabar qilgandi.“Yuventus” haqiqatda ularga qiziqish bildirgan. Andrea Pirlo rahbarlar oldiga shart qo‘ygan: hujumchi sotib olish kerak. Hozir hujum chizig‘ida yaqqol yetishmovchilik bor: Ronaldu, Morata, Dibala bor, boshqa hech kim yo‘q.
Shomurodov haqidagi mish-mishlarga ishonish mumkinmi?
Afsuski, Tuttosport Italiyadagi eng obro‘li gazetalardan emas: ko‘pincha tekshirilmagan axborotni tarqatadi va adashadi. Boshqa tomondan bu — Turin matbuoti. Ular “Yuventus” haqida nafaqat konkret ma’lumot beradi, balki, klub ichidagi muhokamalardan xabardor.
Hayratlanarli, biroq Tuttosport 2018-yilning bahorida Ronalduning “Yuventus”ga o‘tishini birinchilardan bo‘lib yozgandi. O‘shanda ko‘pchilik bunga e’tibor qaratmagandi, oqibatda esa transfer amalga oshdi.
Shunday ekan, ularda faqat feyk xabarlar bo‘lmaydi. Ishonchim komil: Shomurodov familiyasi klub muhokamalarda yangragan.
Ikkinchi faktor — agentlar Valerio va Gabriele Juffrida. Aka-ukalar Aleksey Miranchukning “Atalanta”ga transferida ishtirok etgandi. Ular Shomurodovning “Jenoa”ga kelishiga ham ko‘maklashgan. Ikkisi ham “Yuventus” direktori Fabio Paratichi bilan iliq munosabatda. Hozirda ular Shomurodovning vakili hisoblangan ProSport Management bilan hamkor hisoblanadi.
Yana bir gap, Eldor “Jenoa”da munosib o‘yin ko‘rsatmoqda. U Genuyada atigi bir necha oy ichida jamoaning eng yaxshi hujumchilaridan biriga aylandi, garchi bor-yo‘g‘i ikkita gol urgan bo‘lsa ham.
Fikrimcha, Shomurodovning ayni damda “Yuventus”ga yo‘l olishi — ehtimoldan yiroq holat. Sabr qiling va klub atrofida yana-da ajablanarli ismlarni eshitasiz.
Men ProSport Management prezidenti German Tkachenko bilan bog‘landim. U “Yuventus” tomonidan qiziqish bo‘layotganiga sharh berishni istamadi. Biroq uning fikricha, ayni damda Shomurodovga transfer kerak emas. U endigina “Jenoa”da o‘z o‘yinini topib oldi, unga Genuyada maksimal darajada qulaylik bor.
Yakunda Tkachenko shunday fikr bildirdi: “Agar Eldor shu tariqa o‘ynashda davom etsa, u holda vaqt o‘tishi bilan albatta Italiyaning kattaroq klubida paydo bo‘ladi”.
Nobel Arustamyan, insayder, futbol sharhlovchisi
Qayd etish joiz, “Jenoa” Eldor Shomurodov transferini 2020-yil 4-oktabrida e’lon qilgan. Genuyaliklar hujumchi uchun “Rostov”ga bonuslar bilan birga hisoblaganda 9 million yevro to‘lashi aytilgandi.
O‘zbekistonlik forvard “Jenoa” safida hozirga qadar 11 ta o‘yinda qatnashib, 2 ta gol urdi va 2 ta golli uzatmani amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)