“Rostov”ning o‘zbekistonlik hujumchisi Eldor Shomurodov “Jenoa”ga o‘tishga yaqin turibdi.
25 yoshli futbolchi 2-oktabr, juma kuni Italiyada tibbiy ko‘rikdan o‘tadi, shundan so‘ng u Genuya klubi bilan 4 yillik shartnoma imzolaydi, deya xabar bermoqda “Sport-Ekspress” nashri.
Manbaga ko‘ra, “Jenoa” bonuslar bilan birga Shomurodov uchun 9 million yevro to‘laydi. Shuningdek, donliklar Eldorning keyingi transferlaridan tushadigan mablag‘ning 15 foiziga ega chiqadi.
Ma’lumot uchun, Eldor rostovliklar safida 2017-yildan beri to‘p tepib keladi. Mazkur vaqt mobaynida u 91 o‘yinda maydonga tushib, 18 ta gol urdi va 12 ta golli uzatma amalga oshirdi. Uning “Rostov” bilan amaldagi shartnomasi 2024-yilgacha mo‘ljallangan.
25 yoshli futbolchi “Mash’al” akademiyasi tarbiyalanuvchisi hisoblanib, “Rostov”dan avval “Bunyodkor” safida harakat qilgan. Mavzuga doir:
