BMT dunyo aholisi asosan sifatli sog‘liqni saqlash, ta’lim tizimiga, shuningdek, toza suv va sanitariya vositalariga muhtoj ekanligini aniqladi. Bu haqda BMTning 8-yanvar kuni e’lon qilingan hisobotiga tayanib, “Korrespondent.net” xabar berdi.
Xalqaro tashkilot tomonidan o‘tkazilgan so‘rovda dunyoning 193 mamlakatidan 1,5 milliondan ortiq odam ishtirok etdi.
“Koronavirus pandemiyasi rivojlanish jarayonini o‘zgartirib yuborgani va notenglikni kuchaytirgani sabab so‘rovda ishtirok etganlar qisqa muddatli istiqboldagi bazaviy xizmatlarni ustuvor vazifa deb hisoblagan: sog‘liqni saqlash, ta’lim tizimi, shuningdek, sanitariya va toza suv”, — deyiladi hisobotda.
Respondentlar iqlim o‘zgarishi va atrof-muhit ifloslanishini asosiy xavf sifatida ko‘rsatgan.
Avvalroq butun dunyo bo‘yicha 2020-yilda o‘ta qashshoqlik darajasi so‘nggi 22 yil ichida birinchi marta oshgani to‘g‘risida ma’lumot berilgandi.
Izoh (0)