БМТ дунё аҳолиси асосан сифатли соғлиқни сақлаш, таълим тизимига, шунингдек, тоза сув ва санитария воситаларига муҳтож эканлигини аниқлади. Бу ҳақда БМТнинг 8 январь куни эълон қилинган ҳисоботига таяниб, «Korrespondent.net» хабар берди.
Халқаро ташкилот томонидан ўтказилган сўровда дунёнинг 193 мамлакатидан 1,5 миллиондан ортиқ одам иштирок этди.
«Коронавирус пандемияси ривожланиш жараёнини ўзгартириб юборгани ва нотенгликни кучайтиргани сабаб сўровда иштирок этганлар қисқа муддатли истиқболдаги базавий хизматларни устувор вазифа деб ҳисоблаган: соғлиқни сақлаш, таълим тизими, шунингдек, санитария ва тоза сув», — дейилади ҳисоботда.
Респондентлар иқлим ўзгариши ва атроф-муҳит ифлосланишини асосий хавф сифатида кўрсатган.
Аввалроқ бутун дунё бўйича 2020 йилда ўта қашшоқлик даражаси сўнгги 22 йил ичида биринчи марта ошгани тўғрисида маълумот берилганди.
Изоҳ (0)