O‘zbekistonlik bolakayning amaldorlardan gaz va “svet” so‘rab yo‘llagan she’riy murojaati ijtimoiy tarmoqlarda qizg‘in muhokama qilinmoqda. Videoni ko‘rib taxmin qilish mumkinki, uning mazkur murojaati gaz va chiroqsiz sovuq uyda tasvirga tushirilgan.
Ey kattakon vazirlar,Bermang endi tazirlar,Havo sovuq, xalq yig‘lar,Xalqqa “svet”, gaz bering!
Burni oqar bolamni,Zax oldirdim onamni,Tinglang hasrat, nolamni,Xalqqa “svet”, gaz bering!
Minbarda o‘qimang vaz,Xalq ishonmas endi, bas,Qani bizning shuncha gaz?Xalqqa “svet”, gaz bering!
Gapga isimas uylar,Ko‘chada ayoz kuylar,Ayting bizni kim o‘ylar?Xalqqa “svet”, gaz bering!
Qildik unsiz faryodlar,Dars qilolmas avlodlar,Dardmand bizning Farhodlar,Xalqqa “svet”, gaz bering!
Tadbir qo‘yib ovutmang,Qo‘lga shiorlar tutmang,Xonamizni sovutmang,Xalqqa “svet”, gaz bering!
Issiqqina xonangiz,O‘ynab yurar bolangiz,Bizni ham bir o‘ylangiz,Xalqqa “svet”, gaz bering!
Ne desangiz biz shaymiz,Indamasdan yashaymiz,Ko‘p narsa so‘ramaymiz,Xalqqa “svet”, gaz bering!
Avvalroq Qo‘qonda gaz va elektr yo‘qligidan norozi ayollar shahar hokimligi oldidagi yo‘lni to‘sgani, Surxondaryoning Muzrabot tumanida ham elektr ta’minotidagi uzilishlardan norozi aholi yo‘lni to‘sib qo‘ygani haqida xabarlar berilgan edi.
Mavzuga doir:
- “Maktabda ‘svet’ning o‘chishi gaz tarmog‘ida bosimning ortishiga olib kelgan”. Samarqanddagi maktab qozonxonasida yuzaga kelgan portlash bo‘yicha qo‘shimcha ma’lumot berildi
- “Uy sovuq, to‘yib ketdik”. Qo‘qonda gaz va elektr yo‘qligidan norozi ayollar shahar hokimligi oldidagi yo‘lni to‘sdi
- “Svet” o‘chib qolgani sababli Oliy sud majlisi boshqa kunga qoldirildi
Izoh (0)